Страшна трагедија го потресе Лондон, откако новородено бебе старо само 18 дена го загуби животот по пад од зграда во централниот дел на градот.
Според информациите од обвинителството, таткото во моментот на инцидентот се наоѓал во кујната, каде што подготвувал млеко за бебето. Во тој момент, мајката наводно го фрлила детето низ прозорец од трети кат. Таткото веднаш истрчал надвор, но не успеал да стигне до бебето навреме. Потоа се вратил во станот и веднаш повикал Итна помош.
Малечката била пронајдена на бетонската површина пред зградата, во критична состојба, и итно пренесена во болница. И покрај напорите на лекарите, таа починала неколку часа подоцна. Обдукцијата покажала дека смртта настапила како последица на тешка повреда на главата и скршеница на черепот.
Осомничената мајка, 43-годишна жена, била затекната во станот од страна на полицијата. Првично била приведена под сомнение за обид за убиство, но подоцна обвинението било променето во убиство.
Трагедијата се случила во стан во Вестминстер. Судот одлучил осомничената да остане во притвор, додека следното рочиште е закажано за почетокот на јуни. Судењето се очекува да започне во февруари наредната година и да трае повеќе денови.
Веста ја пренесува Blic.rs
