На едно видео кое се прошири меѓу верниците е забележан необичен настан поврзан со икона на Свети Харалампиј, кој наводно се случил на островот Тинос во Грција.
Според сведочењето, една жена побарала од иконописец да ѝ наслика икона на Свети Харалампиј како млад човек. Меѓутоа, мајсторот ѝ објаснил дека светителот традиционално се претставува како старец, бидејќи маченичкиот венец го примил во длабока старост.
Кога иконата била завршена и жената ја видела, таа се разочарала затоа што светителот бил прикажан како старец, а не како млад човек како што посакувала. Но токму тогаш се случило нешто што многумина го нарекуваат вистинско чудо.
Според приказната, на предната страна од иконата Свети Харалампиј е прикажан како старец, додека на задната страна се појавува негов лик како млад човек. Ова необично појавување, за многу верници претставува знак на духовна утеха и потврда на верата.
Во грчката традиција често се кажува дека таму каде што се чуваат моштите на Свети Харалампиј, заразни болести не можат да се задржат долго.
Верниците и денес му се молат со зборовите:
„Свети свештеномачениче Харалампиј, моли Го Бога за нас.“
