Еве за што ќе се гони Стојанче по трагедијата во која загинаа мајка и ќерка по пад од балкон

Стојанче Јовановски доби притвор од 48 часа, откако се случи трагичниот настан во Скопје, каде што мајка и ќерка паднаа од балкон и загинаа.

Обвинителството соопшти дека против осомничениот постојат сомненија за сторени кривични дела – „Телесна повреда“ од член 130 став 2 во врска со став 1, „Загрозување на сигурноста“ од член 144 став 3 во врска со став 2 и став 1 и „Наведување на самоубиство и помагање во самоубиство“ од член 128 став 4 од Кривичниот законик.

„Притворската мерка е неопходна со цел преземање на сите истражни дејствија за обезбедување докази во однос на сомненијата“, велат од Обвинителството.