Фото: Јане Ченто
Поранешниот вицепремиер Артан Груби заврши во куќен притвор откако беше уапсен по повеќемесечното бегство од Македонија, а ова предизвика бурни реакции на социјалните мрежи и една меѓу нив е на Јане Ченто.
„Артан Груби во куќен притвор, јас 28 месеци во притвор. Мене ми наместија предмет дека сум го прекршил куќниот притвор и ме вратија во Шутка по само 20 дена дома. Со камери во мојот дом докажав дека сум бил дома. Докази имаше. Снимки имаше. Од МВР тврдеа спротивно – и никому ништо, помина нивното. Сѐ беше џабе. Пет и кусур години ме влечеа по судови за нешто што знаеа дека не постои. На крај – правосилна пресуда во моја корист. Вистината исплива. Но изгубеното време, притисоците, понижувањето, кој ќе ги врати? Кога ќе ги гледам денешните правосудни „аршини“, не можам да премолчам. Правдата во оваа држава очигледно не е иста за сите. Може да нѐ наречете како сакате неколку од нас што не губиме надеж дека еден ден ќе дојде правда, но тоа е – ние ќе се надеваме. И да, ми се гади од лицемерието. Толку“, објави Јане Ченто.
