Фото: Принтскрин
Директорот на Фондот за здравствено осигурување (ФЗО), Сашо Клековски објави статус на социјалните мрежи за платите на функционерите.
„Функционерски плати – колкави се?
Деновиве покрај расправата за минимална плата, се предлага доколку не се зголеми минималната плата, да се намалат функционерските плати за 80%. Овој предлог за разлика од тој за минимална плата е поддржан со пола уста, а и самиот предлагач не кажува колку всушност се платите и на колку ќе се намалат?
Дали знаете колку се функционерските плати во Македонија? Според службените јавни податоци (февруари 2026)
Премиер → нето 140.450 денари (~2.280 €)
Министри, директори вкл. ФЗО → нето 115.540 денари (~1.880 €)
Пратеници → околу нето 110.000–130.000 денари (со додатоци)
Платата на Премиерот е најниска во регионот со таа во Албанија, а по паритет на куповна моќ (ПКМ) е слична на платата на премиерите во Албанија, Србија и Црна Гора.
Платата на Премиерот
3х просечната плата ~746 €
5.7х минималната плата ~397 €. И тој сооднос е најнизок и споредлив повторно со Албанија, Србија… Функционерските плати и во номинална и во куповна моќ, и во сооднос спрема просечна и минимална плата е во рангот на најниските заедно со Албанија и Србија. Со Барањето на намалување на функционерските плати за 80%, платите на министрите би биле → околу 23.000 денари (~370 €) или под сегашната минимална плата.
Дали предлагачот ќе предложи кратење и на нивните плати на ова ниво?“, објави Клековски.
