Ристески: Владата е за да се зголеми минималецот, но нека си го договорат работниците и газдите

Заменик-министерот за економија и труд, Марјан Ристески кажа дека Сојузот на синдикати на Македонија (ССМ) и работодавците треба да си го договорат минималецот.

„Владата е за да се зголеми минималецот, но врз база на реални параметри. Треба да седнат и да се договорат синдикатите и работодавците, а Владата тоа ќе го прифати“, кажа Ристески.

Синдикатите бараат во моментов минимална плата од 600 евра, но и зголемување на останатите плати за 100 евра.