Фото: ДСУ РЦСОО „Никола Карев“ Струмица
Тажна вест денеска ја потресе Струмица, откако училиштето ДСУ РЦСОО „Никола Карев“ од Струмица објави дека починала наставничката Лидија Петрова Иванова.
„Со длабока тага ја примивме веста за заминувањето на нашата почитувана колешка Лидија Петрова Иванова, долгогодишен наставник по информатика во ДСУ РЦСОО „Никола Карев“ – Струмица.
Лидија ќе ја паметиме како посветен педагог, искрен колега и човек кој со своето знаење, труд и човечност остави длабока трага меѓу учениците и колективот. Нејзиниот придонес во образованието и училиштето ќе остане трајно врежан во нашето заедничко сеќавање.
Изразуваме искрено сочувство до нејзиното семејство, најблиските и сите кои ја познаваа и ја почитуваа. Нека почива во мир“, соопштија од училиштето.
