Во скопската населба Кисела Вода, во непосредна близина на Тутунскиот комбинат, денеска изби пожар во гаражен објект. Пламенот брзо се проширил, по што на терен интервенирале екипи на противпожарната служба.
Со навремена и координирана интервенција, пожарот најпрво бил локализиран, а потоа и целосно изгаснат. За среќа, нема повредени лица.
На местото на настанот сè уште се присутни полициски екипи, кои вршат увид и земаат изјави со цел да се утврдат причините за избувнувањето на пожарот.
