Фото: Сашко Митовски
Градоначалникот на Општина Крива Паланка, Сашко Митовски објави дека момчињата кои учествуваа во извлекување на Светиот крст од водите на Крива Река решиле да ја донираат наградата.
„Денес, во кабинетот ме посетија храбрите момци од мојот тим, момците кои годинава го извлекоа Светиот крст од водите на Крива Река.
Со големо срце и без двоумење, тие решија наградата од Светиот крст да ја донираат на семејството Димитровски, деветчлено семејство од Крива Паланка кое најмногу има потреба од поддршка.
Овој гест преставува вистинска смисла на верата, не само храброст, туку и човечност, солидарност и грижа за другиот.
Гордо можам да кажам дека во нашата општина имаме млади луѓе кои нè потсетуваат дека добрината, грижата за другиот и заедништвото се најголемата темелна вредност на едно здраво општество“, објави градоначалникот на Општина Крива Паланка.
