Во водите на реката Вардар денеска се одржа традиционалниот Богојавленски чин на фрлање на чесниот крст, во организација на Скопската православна епархија при МПЦ-ОА.
По претходно отслужената света литургија во храмот „Рожденство на Пресвета Богородица“, низ скопските улици се движеше свечена литија која заврши на кејот на Вардар, каде што беше извршено осветувањето на водите.
Во моментот кога чесниот крст беше положен во реката, најбрз и најснаодлив меѓу учесниците беше 24-годишниот Дарко Митровиќ, кој прв доплива до него и го извади од студените води.
На настанот учествуваа околу 160 момчиња и едно девојче, кои со храброст и верба го одбележаа еден од најзначајните христијански празници – Богојавление.
