Детали од трагедијата: Доктори 35 минути се обидувале да го спасат бебето во Кавадарци

Директорката Гордана Ѓорчева-Камчева изрази сочувство до родителите и откри детали за трагедијата која го потресе Кавадарци.

Бебето било примено во болница поради обилно повраќање по хранење на 12 јануари.

„Доенче од два месеци беше примено на Одделот за педијатрија на 12 јануари поради обилно повраќање по хранење. Во текот на деновите кога било во болница, детето е со уредни параметри и лабораториски анализи“, информира директорката.

Мајката вчера извршила итен повик затоа што бебето престанало да дише, по што пристигнал дежурен педијатар, а имало и анестезиолог.

„Почната е реанимација со соодветна терапија која траела 35 минути, но за жал без успех“, открива Ѓорчева-Камчева .