Малолетници со мотоцикл прегазиле полицаец, па се однесувале агресивно при приведувањето

Двајца малолетници биле приведени од страна на полицијата, откако претходно со мотоцикл удриле во полициски службеник.

„На 09.01.2026 во 00:45 часот во Скопје, на подрачјето на Карпош, полициски службеници од СВР Скопје лишија од слобода и приведоа двајца 16-годишници од Скопје. При вршење службени дејствија, околу 00:10 часот на бул.„Митрополит Теодосиј Гологанов“ во Скопје, полициски службеници забележале мотоцикл без регистарски ознаки, кој го управувал еден од малолетниците, но тој не застанал на знак за запирање, по што со мотоциклот удрил во еден полициски службеник и му нанел повреди. Набргу, по преземени мерки мотоциклот е запрен и тие се фатени, при што малолетниот сопатник агресивно се однесувал кон полициските службеници“, соопшти МВР.

По целосно документирање на случајот, против двајцата ќе бидат поднесени соодветни поднесоци.