Заев гради во Дубаи, а Мицкоски во Белизе: Продолжуваат препукувањата меѓу власта и опозицијата

Продолжуваат препукувањата меѓу политичките партии ВМРО-ДПМНЕ и СДСМ. Откако владеачката партија удри по опозицијата и го обвини Зоран Заев дека гради вискокатница во Дубаи, следеше контра-напад.

СДСМ го обвини актуелниот премиер на Македонија, Христијан Мицкоски дека правел зграда од 45 ката во Белизе.

„Мицкоски има виза за Британија и гради зграда од 45 ката во Белизе“, објавија од опозицијата.

„Како што потврди дека Заев гради 42-катница, сега Филипче да одговори како ја стекнал златната виза и на кое име му е станот во Дубаи?“, претходно прашаа од ВМРО-ДПМНЕ.