Османи за избрканите кои „спиеле“ во канцеларија: Ова е обид да се оцрни албанската заедница

Потпретседателот на ДУИ, Бујар Османи застана во одбрана на лицата кои беа избркани од работа затоа што имале импровизирани кревети во канцеларијата, како што објави министерот Иван Стоилковиќ.

„Во Министерството за односи меѓу заедниците. 40 вработени Албанци беа сместени во канцеларија без столчиња, без маси, без компјутери, без ништо. Од 7 до 16 часот на нозе, без работа. Кога беа принудени да импровизираат седејќи на подот поради недостиг од столчиња, тоа беше искористено за да ги посрамотат: ‘Вака работат Албанците’. Потоа 7 вработени беа отпуштени, за да се всади страв. Понижувањето беше организирано, вината беше префрлена на жртвата и се прави обид да се оцрни цела заедница“, објави Османи на неговиот профил.