Немо од Швајцарија, кој ја освои Евровизија 2024, донесе одлука да го врати трофејот. Причината лежи во одлуката на Европската радиодифузна унија (ЕБУ) да ѝ овозможи учество на Израел на следниот натпревар. Одлуката предизвика силни реакции и критики од поранешни учесници и победници ширум Европа.
На својот Инстаграм, Немо објасни: „Евровизија го промовира единството, инклузијата и достоинството за сите. Токму овие вредности беа мојот водич. Но, учеството на Израел – додека Независната меѓународна истражна комисија на ООН утврдила дека таму се случува геноцид – покажува голем јаз помеѓу овие идеали и одлуките на ЕБУ.“
Поради ова, пет земји веќе официјално најавиле бојкот на Евровизија 2025.
Следното, 70. издание на натпреварот ќе се одржи во Виена, Австрија. Македонија, пак, не учествува веќе неколку години.
