(ВИДЕО) Напаѓач упадна во студиото на „Инфомакс“ – откриено за кого станува збор

Емисијата во живо на порталот „Инфомакс“ синоќа беше прекината од едно лице, кое потоа е приведено од страна на полицијата.

Министерството за внатрешни работи (МВР) соопшти дека настанот се случил во 23.45 часот, а полициските службеници го привеле Г. С. (43) од Скопје.

Полицијата веднаш реагирала и го привела напаѓачот, а подоцна било утврдено дека станува збор за лице со здравствени проблеми, кое претходно било спроведувано на лекување во Психијатриската болница „Бардовци“.

Исто така, поднесена е пријава против напаѓачот кој влезе во студиото на „Инфомакс“.