Мајката на Леон, Амела Мемиш Апостоловска, се огласи по седум дена од смртта на нејзиниот татко – човек кој, како што вели, бил столб на семејството и најголема поддршка во животот.
Таа опиша дека денот на промоцијата на книгите, кој започнал со радост, завршил со ненадејна и тешка загуба што засекогаш ќе го обележува 3-ти декември во нивното семејство. Според Амела, овој датум ќе остане спомен и на болката, и на силата што ја учел нејзиниот татко – „никогаш да не застане и секогаш да оди со крената глава“.
Во својата објава, таа им се заблагодари на сите што ѝ пишувале во најтешките денови, признавајќи дека долго немала сила да одговори. Амела информира дека книгите повторно се достапни и дека секоја нарачка ќе биде лично потпишана од Леон, во чест на неговиот дедо.
Дополнително, со секоја купена книга ќе следува и бесплатниот прирачник „Од тишина до глас“, наменет за лица со попреченост – проект кој го продолжуваат токму во чест на човекот што оставил „наследство поголемо од животот“.
Објавата завршува со силна порака:
„Време е болката да стане сила. Време е љубовта да продолжи да гради.“
