(ФОТО) „Луѓето врескаа, сакаа да излезат“: Сведоштво на Надалина која го преживеа пожарот во „Пулс“

Надалина Грозданова е девојка која го преживеа пожарот во дискотеката „Пулс“ во Кочани, каде што загинаа 63 лица и над 200 беа повредени.

Никогаш нема да се заборави 16 март 2025 година, денот кој ја зацрни Македонија, а за него сведочеше Надалина за „Курир.рс“.

„Борба – тоа е нешто што ни останува. Ништо друго. И останатите преживеани, родителите кои ги загубија децата, секој од нас носи товар“, кажа Надалина.

„Беше сабота, го славиме роденденот на нашата другарка, а потоа заминуваме на настап на ДНК. На почетокот беше нормално. Имаше многу луѓе, ние бевме блиску до бината. Се вклучи пиротехниката, немаше проблеми, а потоа во рок од една минута имаше оган насекаде. Тргнавме накај излезот, имаше повеќе од 600 лица. Другарките успеаја да излезат, но јас заглавив. Имав паничен напад, се онесвестив. Последна слика ми е како луѓето врескаат, се обидуваат да излезат. Не бев свесна дека се случи нешто сериозно. Можеби потсвесно се обидувам да ги избришам тие моменти“, раскажува девојката.

Фотографиите може да се погледнат ТУКА и се во сопственост на Boba Nikolic/KURIR_FOTO NBN.