Најопасен момент од стартот на војната: Америка подготвува огромен притисок врз Зеленски

Украинскиот претседател Володимир Зеленски поминува низ еден од најтешките и опасни моменти во својот мандат, зашто е притиснат поради скандалите во неговата земја и барањата од САД.

Следната недела ќе се соочи со нов круг на американски притисок, додека корупциски скандал го потресе неговиот најтесен круг на соработници.

Политичката криза дополнително ја продлабочи оставката на шефот на кабинетот на Зеленски, Андриј Јермак, кој беше и главен преговарач со САД.

По неговата оставка, Русија лансира стотина дронови и проектили врз Украина, при што загинаа две лица, а десетици беа повредени.

„Оставката на Јермак за Зеленски е како да му е отсечена десната рака“, изјави украинскиот политиколог Володимир Фесенко.