Пренослив тоалет падна од голема висина врз мост преполн со автомобили во Севиља.
Според странските медиуми, станува збор за мост кој моментално е во изградба. Тоалетот падна во средината на патот, се распадна на парчиња и расфрли делови од својата содржина.
Иако сообраќајот беше попречен, локалниот весник Diario de Sevilla известува дека нема повредени лица ниту материјална штета.
Инцидентот е сниман и објавен на TikTok, каде се гледа како тоалетот се урнува додека кран го преместува на градилиште за замена на инфраструктурни кабли на мостот. Кабината паднала во средната лента на автопатот, блокирајќи го движењето на возилата со намалена брзина, како што е прикажано во видеото.
