Скопје – Вечерва на пешачкиот премин покрај гимназијата „Јосип Броз-Тито“ уште една личност беше удрена од возило, на едно од најризичните места за пешаци и велосипедисти во градот.
На социјалните мрежи се појави видео направено веднаш по несреќата, на кое се гледа повредениот човек како седи на коловозот, додека минувачите се обидуваат да му пружат помош.
Полицијата сè уште не објавила официјални податоци за случката и за здравствената состојба на лицето.
Инцидентот доаѓа само непол месец откако на истиот премин возач на џип удри жена и го напушти местото на несреќата. Подоцна тој беше приведен на патот кон Средно Водно.
