Фото: Принтскрин
Портпаролката на руското министерство за надворешни работи, Марија Захарова ја коментираше изјавата на претседателката на Европската комисија, Урсула Фон Дер Лајен.
Фон Дер Лајен кажа дека граници не можат со сила да се менуваат, а Захарова праша што се случило на Косово, кога Србија остана без дел од својата територија.
„Западот беше тој кој го прогласи и со сила еднострано ѝ ги скрои границите на Србија, спротивно на желбата на српскиот народ“, кажа Захарова.
Захарова посочи дека Украина, исто така, не може да нареди колку припадници на вооружените сили може да има.
