На автопатот А45 во Германија се пронајдени човечки остатоци, а според извори од „Билд“, се претпоставува дека станува збор за женски раце.
Инцидентот се случил околу 3 часот наутро, кога возач пријавил на полицијата дека забележал необични предмети на патот. Пристигнатите полицајци откриле човечки остатоци, по што дел од автопатот веднаш бил затворен за истрага. На лице место пристигнале и детективи за сериозни кривични дела.
Јавното обвинителство сè уште не објавило детални информации за количината на пронајдените делови од тело, но медиумите наведуваат дека се работи за женски раце.
Сè уште не е јасно како овие делови од телото завршиле на автопатот, но првичните истражувања укажуваат дека не станува збор за сообраќајна несреќа. Автопатот А45 бил повторно отворен утрово, а истрагата за настанот продолжува.
