На една од најпрометните скопски сообраќајници, булеварот „Борис Трајковски“, синоќа околу 23 часот се случи тешка сообраќајна несреќа во која учествувале „Фолксваген голф“ и „БМВ“, двата автомобили со скопски таблици.
Според првичните информации, „голфот“ го управувал 56-годишниот С.Х. од Скопје, кој од последиците на силниот удар починал на лице место. Смртта била констатирана од екипа на Итната медицинска помош.
Повредени се и сопатниците од „голфот“ – 52-годишната Н.Х. и 24-годишната М.Р.А., двајцата од Скопје, како и 28-годишниот Ф.М. од Косово. Повреди добил и возачот на „БМВ“-то, 28-годишниот Ф.П.
Сите повредени биле пренесени во болницата „Св. Наум Охридски“ и во Клиничкиот центар „Мајка Тереза“, каде што им биле утврдени телесни повреди.
На терен интервенираше јавен обвинител и полициски увиѓаен тим. По наредба на обвинителот, телото на починатиот е предадено на обдукција.
