Фото: ООУ Кочо Рацин - Петровец
Градоначалникот на Општина Петровец, Борче Митевски денеска преку социјалните мрежи информира дека општината ќе продолжи да дели еднократна парична помош за новите првачиња.
„Општина Петровец ги информира родителите дека како и секоја година, така и оваа ќе доделува еднократна парична помош во износ од 4.000 денари за секое прваче запишано во учебната 2025/2026 година на територијата на Општина Петровец“, објави градоначалникот.
Барањата треба да бидат доставени најдоцна до 28.11.2025 година, преку Архивата на Општина Петровец.
