Фото: АХВ
Агенцијата за храна и ветерина (АХВ) соопшти дека е изречена парична казна на градоначалник за неовластено заловување и дислокација на бездомни кучиња.
„Парична казна доби градоначалник за неовластено заловување и дислокација на бездомни кучиња
По објавено видео и фотографии на социјалните мрежи и реакциии од граѓани, за неовластено и нестручно заловување на бездомни кучиња и нивна дислокација, инспекциските служби на Агенција за храна и ветеринарство (АХВ), по идентификување на возилото, спроведоа вонреден инспекциски надзор. Согласно Законот за заштита и благосостојба на животните, утврдено е дека заловувањето на бездомни кучиња се врши спротивно на Законот, неодобрено од АХВ, од страна на неквалификувани лица.
За сторениот прекршок изречена е мерка забрана за вршење на активности кои не се одобрени од АХВ – заволување на бездомни животни, од страна наквалификувани лица.
По поднесена иницијатива од граѓани, минатата недела спроведен е и вонреден надзор во објект за сместување и држење на кучиња во приватна сопственост, при што инспекторите од Агенцијата констатираа недоследности спротивно на Законот за заштита и благосостојба на животните. Покрај парична казна за физичко лице, спроведена е и посебна инспекциска мерка – одземање на животни“, соопшти АХВ.
