Фото: Принтскрин
Приказната за братот и сестрата Душан (12) и Анѓела Љубовиќ (18) од Тител, Војводина кои со баба им живееја во тешки услови – во стара шупа без струја и вода – минатото лето ги трогна многумина. Особено емотивен беше податокот дека малиот Душан собирал железо и дрво од депонија за да преживеат. Но денес, нивната животна приказна доби сосема поинаков тек.
Благодарение на бројни хумани луѓе и особено на хуманитарецот Марко Николиќ, кој ја започна акцијата за да им обезбеди дом, ова семејство конечно доби покрив над главата. Душан, неговата баба и сестра му се вселени во нова куќа и започнуваат ново поглавје во животот.
Да потсетиме, Николиќ од Врање во јули ја посети оваа семејна трогателна приказна и сподели видео на својот Инстаграм-профил, кое предизвика голема поддршка од јавноста. Веднаш потоа, тој најави дека ќе им обезбеди плац и дом – ветување што денес е исполнето.
