Ѓорѓиевски: Ќе ги објавам сите со име и презиме кои земале плата, а не работеле

Градоначалникот на Град Скопје, Орце Ѓорѓиевски објави дека околу 400 лица биле на платен список во јавните претпријатија на градот, а не доаѓале на работа.

Ѓорѓиевски вели дека овие лица го чинеле буџетот околу пет милиони евра годишно, односно 20 милиони евра за еден четиригодишен мандат.

Новиот градоначалник кажа дека нема да има милост за никого и ги повика институциите да делуваат, а воедно посочи дека ќе ги објави списоците со имиња и презимиња на тие што не работеле, а земале плата.