(ФОТО) Нови детали: Усмртил велосипедист, па го оставил возилото и избегал

Велосипедист го загуби животот пред мостот „Гоце Делчев“ во Скопје, откако во него удрило возило „Пасат“ по што возачот го оставил автомобилот и заминал од местото на настанот.

„Денеска (03.11.2025) околу 12.30 часот во СВР Скопје е пријавено дека на бул. „Гоце Делчев“ во Скопје се случила сообраќајна несреќа во која учествувале патничко возило „пасат“ со скопски регистерски ознаки, управувано од машко лице и велосипедист, кој починал на местото на настанот. По несреќата, возачот на возилото „пасат“ го оставил возилото и заминал од местото на настанот. Во тек е увид и се преземаат мерки за пронаоѓање на возачот“, соопштија од МВР за „Скопје1“.