Луксузен хотел крадел струја во центарот на Скопје

Во централното подрачје на Скопје, на улицата „Луј Пастер“, е откриен тежок случај на незаконско приклучување кон електричната мрежа во луксузен хотел со четири ѕвезди.

Екипи на „Електродистрибуција“ при контрола утврдиле дека објектот нелегално користел електрична енергија, по што веднаш биле преземени соодветни мерки.

„Хотел со 4 ѕвезди на ул. „Луј Пастер” нелегално приклучен на мрежа.

При техничка контрола во станбена зграда која граничи со хотел на улицата „Луј Пастер”, нашите екипи пронајдоа три нелегални и изгорени кабли како последица на преголема оптовареност.

Каблите веднаш беа исклучени бидејќи претставуваа директна и огромна општа опасност од настанување на пожар. За време на дополнителна контрола се утвди дека хотелот повторно бил приклучен на еден од нелегалните кабли.

Екипите беа попречени во вршењето на должноста при влезот во хотелскиот објект.

 Случајот е документиран и за истиот е поднесена Пријава за нелегално приклучување на мрежа и предизвикување на општа опасност од пожар до Министерството за внатрешни работи“, се вели во објавата.