(ФОТО) Гоца Тржан открива правило кое ѝ го спасило бракот со Раша: Тој е помлад од мене, но…

Гоца Тржан и нејзиниот сопруг Раша Новаковиќ со години важат за еден од најхармоничните парови на домашната естрада. Нивната љубовна приказна започнала сосема спонтано, за време на заеднички музички проби и настапи, а со текот на времето се претворила во силна врска исполнета со доверба, разбирање и меѓусебно почитување.

Пејачката неодамна откри едно од правилата што ги почитуваат во својот брак:
„Дури и кога ќе се скараме жестоко, никогаш не спиеме одделно. Оддалеченоста само ја претвора лутина во навика. Нема потреба од тоа,“ сподели Гоца како совет за среќен и стабилен брак.

Таа нагласи дека меѓу неа и Раша нема тајни и дека искрената комуникација е клучот за нивниот долготраен однос.
„Сè си кажуваме отворено и директно. Верувам дека токму поради тоа успеавме да опстанеме,“ вели пејачката.

Иако Раша е помлад од неа, Гоца вели дека годините не играат никаква улога во нивната врска.
„Раша е помлад само според календарот. Јас сум детето во врската, а тој отсекогаш бил смирен и зрел – токму тој баланс ни одговара,“ додаде таа.

Денес, парот има посебна причина за славење – Гоца и Раша одбележуваат 14 години љубов.