Фото: Принтскрин
Младиот џудист Лазар П. (16) трагично го загуби животот утринава во тешка сообраќајна несреќа на автопатот меѓу Нови Сад и Белград. Комбето што превезувало млади спортисти од Будимпешта кон Белград, по враќањето од голем турнир во Азербејџан, излетало од коловозот и ја пробило заштитната ограда.
Несреќата, според првичните информации, се случила околу 3:30 часот наутро, недалеку по наплатната рампа на автопатот во правец кон Белград. По засега непозната причина, возачот ја загубил контролата врз возилото, што предизвикало комбето да се преврти. Од силниот удар, младиот Лазар починал на самото место, додека седум други тинејџери и возачот С. С. (43) се здобиле со повреди.
Како што дознаваат српските медиуми, младите џудисти на клубот „Партизан“ неодамна учествувале на престижен меѓународен турнир во главниот град на Азербејџан – Баку. На патувањето до таму отпатувале со авион, преку Будимпешта, а делницата меѓу Белград и Будимпешта ја поминувале со организиран комбе превоз. Вчера попладне тие слетале во Будимпешта, по што тргнале кон Белград, но нивното патување завршило трагично.
