Фото: Еди Рама
Плоштадот „Скендербег“ во Тирана вчера беше исполнет со илјадници луѓе кои бараа правда за поранешните водачи на Ослободителната војска на Косово, кои моментално се во притвор во Хаг.
Под слоганот „Јас сум УЧК“, насобраните демонстранти од Албанија, Косово, Македонија и други региони заеднички испраќаа пораки за поддршка, извикувајќи „слобода за ослободителите“.
На собирот присуствуваа бројни здруженија, ветерани и јавни личности од албанските простори, кои го истакнаа своето присуство како чин на морална и национална должност – да застанат во одбрана на луѓето што, според нив, ја предводеле борбата за слобода и независност.
Меѓу присутните беше и лидерот на ДУИ, Али Ахмети, кој претходно во Тирана оствари средба со претседателот на Албанија, Бајрам Бегај.
