Вчера беше еден од најтешките денови за македонската музичка сцена.
По повеќе од седум месеци борба, Владимир Блажев – Панчо, почина од повредите кои ги здоби во пожарот во Кочани. Музичарот се бореше храбро, но за жал, неговиот живот згасна.
Панчо е 63-та жртва од трагичниот инцидент во ноќниот клуб „Пулс“ на 16 март, при што животот го загубија и седуммина негови најблиски колеги од ДНК.
Погребот се одржа вчера на гробиштата во Бутел, а телото беше изложено во црквата „Св. Илија“ во Аеродром. На погребот присуствуваа пријатели, колеги и семејството, кои му оддадоа последна почит. Во близина на капелата имаше комбе полн со цвеќиња и плишани мечиња од неговите пријатели и обожаватели.
Откако Панчо беше испратен во вечниот дом, јавни личности споделуваа фотографии и тажни пораки на социјалните мрежи. Фотографиите и песната „Животе брате“ повторно ги поттикнаа солзите кај сите кои го познаваа, потсетувајќи ја целата јавност на страшната несреќа што ја потресе не само Македонија, туку и целиот регион.
Овој ден беше уште потажен затоа што се поклопи со датумот на смртта на легендарниот Тоше Проески. Колективната тага и шокот ги натера многумина да ја изразат болката преку трогателни објави на социјалните мрежи. Една од нив, од мајка на која случајно налетавме, ја пренесуваме во целост.
