Фото: РФМ
Во Скопје денеска почина Илија Темелковски на 71-годишна возраст – поранешен селектор на неколку македонски ракометни репрезентации и едно од најпознатите имиња во домашниот ракомет.
Темелковски беше еден од најпочитуваните тренери и легенда на клубот Пролет, а во текот на својата богата кариера ги предводеше и тимовите на Работник и Струга.
Како селектор на сениорската репрезентација на Македонија го однесе националниот тим до 11. место на Светското првенство во 2009 година. Со младинската селекција, пак, постигна значајни резултати – четврто место на Европското првенство во 2002 година и шесто место на Светското првенство во 2017 година.
