Со длабока тага, денес јавноста ја прими веста за смртта на Бојан Милковски од Штип — младото момче за кое цела Македонија во последните месеци обедини срца во бројни хуманитарни акции.
Бојан, роден во 2002 година, водеше тешка борба со сериозно заболување и беше хоспитализиран во приватна клиника во Скопје. За неговото понатамошно лекување беа неопходни околу 20.000 евра, а граѓани, локални бизниси и организации од целата држава се вклучија со донации и поддршка.
И покрај огромната желба и вложените напори, битката што ја водеше Бојан заврши трагично.
Неговите пријатели и сограѓани се простуваат преку емотивни пораки на социјалните мрежи, потсетувајќи на неговата добрина, искрената насмевка и топлината што ја ширеше меѓу сите што го познаваа.
📎 Веста ја пренесува порталот 4NEWS.mk
