„Никогаш не постоел план за враќање на Груевски“, вели Пендаровски

Поранешниот претседател Стево Пендаровски во гостување во поткастот „Политиканти“ на Инфомакс откри детали околу разговорите поврзани со можноста за „враќање на Никола Груевски“. Тој посочи дека лицето кое прво го спомнало тоа прашање е директор на едно локално јавно претпријатие и дека против него не се води никаква постапка.

„Околу десет дена по таа средба имавме нов состанок со американската амбасадорка, на истата тема, но овојпат во нејзината резиденција“, рече Пендаровски.

Тој објасни дека еден од присутните ја спомнал идејата дека можеби треба да се разгледа враќање на Груевски, но дека никој од останатите не го поддржал тој предлог.

„Не знам дали некој навистина разговарал со него, но Груевски има две правосилни пресуди, и доколку би се вратил, тоа би било можно само со помилување. Јас веднаш го одбив тој предлог и уште на самата средба реков – јас не сум Ѓорѓи Иванов“, истакна Пендаровски.

Повеќе за тоа погледнете на „Инфомакс“.