Сопругата на легендарниот пејач Халид Бешлиќ, Сејда, која исто така се бори со сериозна болест, се наоѓа во многу тешка состојба, откриваат соседите.
Смртта на Халид го потресе целиот регион, а најтешко ја погоди неговата сопруга, со која беше во брак од 1977 година. Во последните денови пред неговата смрт, двајцата биле на Клиниката за онкологија во Сараево, сместени во соседни соби, одвоени само со ѕид.
Откако почина, Сејда се повлече во семејниот дом во населбата Циглане. Соседите кои постојано се грижат за неа велат дека е премногу ослабена за да зборува.
„Дома е Сејда, во состојба во која едвај може да каже збор… Се држи колку што е можно. Синот Дино е надвор, завршува некои обврски“, изјави соседка која постојано е покрај неа.
Кога ѝ ја соопштиле веста за загубата на својот животен сопатник, низ солзи го промолчала:
„Ете ме за брзо кај тебе, стари мој.“
Халид бил длабоко загрижен за здравјето на Сејда и се плашел дека нема да дочека да ја слушне песната што ѝ ја посветил. Поради тоа инсистирал таа да биде објавена порано од планираното, како симбол на нивната вечна љубов.
