Лоши вести за купувачите: Пратките од странство ќе поскапат за 18 отсто – веќе е предложен закон

Поради сè поголемата експанзија на кинеската онлајн-платформа Temu во Македонија, а по бројните реакции на домашните трговци, Владата предложи измени во Законот за данок на додадена вредност (ДДВ). Со нив, сите пратки од странство со вредност до 22 евра ќе се оданочуваат со 18%.

Предлог-измените веќе се доставени во македонското Собрание. Ако бидат усвоени, ќе се укине досегашното ослободување од плаќање ДДВ за производи нарачани од странство чија вредност не ја надминуваше сумата од 22 евра.

Исклучок ќе има само за мали пратки со некомуникациска вредност – испратени од физичко до физичко лице и до 22 евра.