Фото: МВР
Полициските службеници од СВР Скопје уапсија 41-годишен жител на скопското село Мирковци, кој бил затекнат како одзема нафта од резервоар во основното училиште во село Сандево.
Инцидентот се случил на 6 октомври 2025 година околу 21:25 часот, кога полицијата го затекнала А.Ш. во дворното место на училиштето додека полнел нафта од резервоарот.
Одземената нафта веднаш била вратена на одговорното лице од училиштето, а на местото на настанот бил извршен увид. По целосно документирање на случајот, против приведениот ќе биде поднесена соодветна кривична пријава за делото „Тешка кражба“ согласно член 236 од Кривичниот законик.
