Фото: Принтскрин
Познатиот фолк пејач Халид Бешлиќ денес, 7 октомври, ја загуби битката со тешка болест на 72-годишна возраст. Веста за неговата смрт ја потресе целата музичка сцена и неговите бројни обожаватели ширум регионот.
Бешлиќ кон крајот на август беше хоспитализиран во Универзитетскиот клинички центар во Сараево, каде со недели беше под постојан лекарски надзор. И покрај напорите на медицинските тимови, неговата состојба се влоши, а денес срцето на еден од најголемите балкански пејачи засекогаш престана да чука.
Со своите препознатливи интерпретации и безвременски хитови, Бешлиќ обележа неколку децении на музичката сцена на поранешна Југославија и пошироко.
Во текот на долгата и успешна кариера, Халид Бешлиќ изгради имиџ на пејач кој ја носи вистинската емоција и автентичност на народната душа.
