Фото: Принтскрин
На делницата меѓу Башко Ново Село и Плавна, во општина Бач, Србија во текот на ноќта меѓу сабота и недела се случи тешка несреќа на реката Дунав, кога чамец со 11 лица се превртел во водата. Според првичните информации, во пловилото се наоѓале 10 кинески државјани и еден државјанин на Србија, за кого се претпоставува дека го управувал чамецот. Неофицијално, станува збор за обид за нелегално преминување на државната граница.
Во спасувачката акција биле вклучени служби од Србија и Хрватска – Специјалистичкиот тим за спасување на вода на Секторот за вонредни ситуации при МВР на Србија, како и единици на хрватската цивилна заштита и полиција.
Досега се пронајдени осум лица: хрватските спасувачи извлекле шест кинески државјани, а српските екипи успеале да пронајдат едно преживеано лице и едно тело.
Потрагата по уште три лица продолжува, а на терен се распоредени полициски патроли, екипи на брза помош и граничните служби на двете држави.
