(Видео) Голем пожар во Брчко – познато кои објекти биле зафатени

Вечерва околу 18:30 часот на познатата пазарна локација „Аризона“ во Брчко, БиХ изби голем пожар, при што целосно изгоре една хала во која се продавала текстилна стока.

Од полицијата на Брчко потврдија дека веднаш по пријавата на терен биле испратени екипи од Професионалната противпожарна единица и полициски службеници. Портпаролката Џевида Хукиќевиќ соопшти дека огнената стихија е ставена под контрола и дека, за среќа, нема повредени лица.

Во гаснењето на пожарот помогнаа и пожарникари од Градачац со две возила, бидејќи градската пазарна зона е непосредно во близина на погодената хала. Очевидци велат дека пламените јазици се ширеле со голема брзина, а густ облак чад се гледал и од поголема далечина.

Трговците кои останаа без својата стока се во шок, а дел од нив изразија сомнеж дека пожарот можеби бил подметнат. Засега, надлежните институции не даваат официјална потврда за причините.

„Сè исчезна за неколку минути, ништо не можевме да спасиме“, изјави еден од трговците кој бил на лице место во моментот на несреќата.