Цените на становите во Скопје продолжуваат да растат и во првата половина од годинава, иако забележливо побавно во споредба со првиот квартал, покажуваат најновите податоци на Народната банка.
Во првото тримесечје индексот на цените достигнал 173,27 поени (со базна година 2010 = 100), што претставува годишен раст од 22,6 проценти. Во однос на последниот квартал од минатата година, поскапувањето изнесува 9,9 проценти, што го потврдува силниот раст на пазарот во овој период.
Во второто тримесечје продолжил нагорниот тренд, но со нешто помало темпо. Индексот се искачил на 184,14 поени, што значи дека цените се за 84,14 проценти повисоки во однос на нивото од 2010 година. Годишната стапка на раст изнесува 22,3 проценти, додека кварталната е 6,3 проценти, објави порталот „Пари“.
Повеќе за тоа може да прочитате на „Пари.мк“.
