Фото: Принтскрин
Американската војска извршила „смртоносен удар“ врз брод за кој постои сомнение дека бил вмешан во шверц на дрога и дека имал врски со организации означени како терористички, соопшти американскиот секретар за одбрана Пит Хегсет.
Инцидентот се случил во меѓународни води во близина на брегот на Венецуела, при што животот го загубиле четворица мажи кои се наоѓале на бродот. Според Хегсет, акцијата ја извела Командата на вооружените сили на САД за Јужна Америка (USSOUTHCOM), а операцијата била спроведена по наредба на претседателот Доналд Трамп.
„Нападот беше изведен во меѓународни води, веднаш до венецуелскиот брег, додека бродот пренесувал значителни количества наркотични супстанци со крајна дестинација САД, со цел да го труе нашиот народ“, изјави Хегсет во објава на социјалната мрежа Х.
Earlier this morning, on President Trump's orders, I directed a lethal, kinetic strike on a narco-trafficking vessel affiliated with Designated Terrorist Organizations in the USSOUTHCOM area of responsibility. Four male narco-terrorists aboard the vessel were killed in the… pic.twitter.com/QpNPljFcGn
— Secretary of War Pete Hegseth (@SecWar) October 3, 2025
