(Видео) Се активира алармот во уште една земја – забележани се дронови над воена база

Шведската полиција отвори истрага по пријави за појава на сомнителни дронови над архипелагот Карлскруна, на југот на земјата, објавија локалните медиуми.

Карлскруна е седиште на најголемата шведска поморска база и на Обалската стража. Полицијата била испратена во областа Моклосундсброн во четвртокот навечер, откако жители на островите Стурко и Шурко пријавиле дека забележале дронови. Според шведската телевизија SVT, и самите полициски службеници на лице место потврдиле дека виделе еден од летачките објекти.

Шефот на истрагата, Матијас Лундгрен, изјави дека станува збор за поголем модел на дрон, сличен на оној што претходно бил забележан над Данска и покраината Сконе.

Властите поднеле пријави за прекршување на Законот за воздухопловство и Законот за заштита. Сведоци изјавиле дека виделе два дрона со црвени и зелени трепкачки светла, навела Евелине Олсон од регионалниот полициски команден центар.

Истрагата продолжува, а досега не се пронајдени предмети поврзани со дроновите, ниту пак се идентификувани осомничени лица.

🚨Does This Drone Look Familiar? Aalborg Denkmark, Sep 25, 2025

The video was recorded in Denmark, the still images are NJ Drones.

Do we all see whats going on here?#ufotwitter #uapX #denmarkdrones #njdrones
Video Source:https://t.co/bgSILGUcOS pic.twitter.com/KmSoa6xOjK

— Skywatch Signal (@UAPWatchers) September 26, 2025