Фото: ДЗС
Денеска околу 17 часот Центарот за управување со кризи пријави случај на две изгубени туристки во пределот помеѓу врвот на Водно и кањонот Матка.
По добиената дојава, Дирекцијата за заштита и спасување веднаш го активираше специјализираниот тим за планинско спасување од Тетово, кој веднаш беше испратен на терен со цел пребарување и обезбедување на безбедноста на туристките.
По речиси два часа интензивна потрага, во 18:40 часот, двете девојки – државјанки на Португалија – беа успешно лоцирани и спасени. Тие беа спроведени до ресторанот „Матка“, каде што ги дочека конзулот на Република Португалија.
