Фото: Принтскрин
Семејството на трагично починатата Теодора Ристовска, која беше прегазена на пешачки премин во Тетово, остро реагира на одлуката на Апелациониот суд во Гостивар со која е потврдена пресудата на Основниот суд во Тетово. Со неа обвинетиот Менсур Пајазити од селото Голема Речица е прогласен за виновен и осуден на две години затвор.
Блиските на Теодора сметаат дека казната е премногу блага и велат дека Пајазити повторно управува возило, без да покаже каење или одговорност. За нив, тоа претставува дополнителна навреда и непочит кон сеќавањето на нивната ќерка.
„Оваа пресуда е срам за правдата. Животот на Теодора згасна, а казната изгледа како подбив. Наместо вистинска правда, добивме минимализирање на трагедијата која нè скрши. Кога убиецот шета слободен, целата нација е жртва“, велат од семејството.
