Фото: Принтскрин
Русија нема да дозволи воведување зона на забрана за летови над Украина од страна на земјите членки на НАТО, изјави генерал-пуковникот на Руската Федерација, Владимир Попов, во интервју за рускиот медиум Info24.
Повод за изјавата беа изјавите на полскиот министер за надворешни работи, Радослав Сикорски, кој порача дека Варшава и нејзините сојузници треба да разгледаат можност за воведување зона на забрана за летови над украинска територија. Според него, ова прашање веќе повеќепати било разгледувано во рамките на НАТО, но досега не било донесено позитивно решение.
Сикорски нагласи дека Полска може да интервенцира и да собори дронови над Украина доколку Киев го побара тоа, но дека за вакви активности е потребно учество и на други сојузнички земји.
„Полска и другите земји од НАТО немаат право еднострано да воведат зона на забрана за летови над Украина. Формално, можат да склучат некаков вид договор со Киев за помош од земјите на НАТО, но според меѓународното право тоа би се сметало за диверзија. Тоа би претставувало незаконска употреба на сила против Русија, што ние нема да дозволиме“, истакна Попов.
French “Rafale” Multirole Fighter Jets scrambling earlier from an airbase in Poland as part of their first combat alert to defend Polish Airspace, from potential intrusion by Russian one-way attack drones, under NATO’s Eastern Sentry. pic.twitter.com/YnDOZrYy9W
— OSINTdefender (@sentdefender) September 13, 2025
