(Фото) Трагедија: Комбето излетало од мост на експресниот пат – три лица се починати и две се повредени

Тешка сообраќајна несреќа утрово ја потресе источна Македонија. На експресниот пат Штип – Радовиш, во близина на селото Лакавица, комбе што превезувало работници излетало од мостот над Балталиска Река. Трагичниот биланс е тројца загинати и двајца тешко повредени, објави „24.мк“.

Според информациите од штипскиот здравствен дом „Панче Караѓозов“, на самото место екипата на Итната медицинска помош констатирала смрт кај две лица, додека третиот патник бил реанимиран, но за жал подоцна им подлегнал на тешките повреди.

Неофицијално, загинатите и повредените се работници од Бангладеш, кои биле вработени во струмичка компанија и секојдневно патувале на работа. Меѓу повредените се наоѓаат уште еден работник и возачот на возилото, кои веднаш биле пренесени во болница каде што лекарските тимови се борат за нивниот живот.

Фотографиите може да се погледнат ТУКА.